TANGAZO KWA UMMA: Onyo Kwa Mafundi Umeme

TAARIFA inatolewa kwa mafundi wa umeme na umma kwa ujumla kuwa, ni kosa kisheria kufanya kazi za kuweka mifumo ya umeme (electrical installations) bila kuwa na leseni hai iliyotolewa na Mamlaka ya Udhibiti wa Huduma za Nishati na Maji (EWURA).

ONYO hili linatolewa kwa mujibu wa Ibara  ya 7 (1) ya Sheria ya EWURA namba 414 na Ibara ya 8 ya Sheria ya Umeme namba 131. Soma Zaidi:-

Onyo-Mafundi Umeme

Warning-Electrical Installation Personnel

_____________________________________________________________________________________________________________

 

Hits: 1798

72 thoughts on “TANGAZO KWA UMMA: Onyo Kwa Mafundi Umeme

  1. Je tufanyeje sisi tulio na leseni za ufundi umeme ili kupata mhuri na kuweza kupitisha kazi bila kumtegemea kontrakta mwingine asante

    1. Ndugu Manento,
      Cha muhimu zaidi ni kujiendeleza kupata elimu ya ngazi ya juu ili upate daraja la leseni linalokuwezesha kuwa na muhuri.Asante.

        1. Ndugu Masanja,
          Unapaswa kuwa na daraja kuanzia wiremen. Na leseni ya kufanya kazi inapatikana kwa kufanya maombi kupitia kiunganishi https://lois.ewura.go.tz/ewura/
          Unpaswa kuwa na vyeti vya elimu ya ufundi vilivyothibitishwa, picha (pasipoti) yenye kivuli cha bluu na wasifu wako (CV); vyote vikiwa katika nakala laini kabla ya kuanza kufanya maombi.
          Kwa maelezo zaidi piga 0800110030 (bure) au tembelea ofisi yetu iliyo karibu nawe katika mikoa ya Arusha, Dar es Salaam, Dodoma,Mbeya na Mwanza.
          Karibu

  2. Asante kwa semina tumejikumbusha mengi swali langu wale waliomaliza darasa la saba wakajiunga na vyuo vya ufundi mfano trede test ana grade one au two je anapata leseni? Maana kuna ile mtu mpaka awe na cheti cha fomu 4 tusaidie maelezo

        1. Ndugu Samson,
          Maombi ya leseni hufanyika kwa njia ya mtandao kupitia kiunganishi https://lois.ewura.go.tz/ewura/ katika tovuti ya Mamlaka.
          Unapaswa kuwa na
          1. Picha (passport size ) yenye kivuli cha bluu
          2. Vyeti vya elimu ya Ufundi
          3.Wasifu (CV) inayoonesha shughuli za ufungaji umeme ulizofanya.

          Kisha utatumia nakala laini kufanya maombi, kwa kufungua mfumo wa LOIS, kujisajili na kufanya maombi ya leseni.

          Karibu

  3. Je kama kwenye nyumba yangu nime jenga mabanda mawili naweza kutoa umeme kwenye nyumba kubwa kupeleka kwenye mabanda ayo

    1. Ndugu Deus ,

      MADARAJA YA LESENI ZA UMEME YANAYOTOLEWA NA EWURA
      Leseni Daraja A: inatolewa ili kufanya kazi za umeme katika msongo wa aina zote isipokuwa kazi zilizoruhusiwa chini ya daraja “S1, S2 na S3”.

      Leseni Daraja B: inatolewa ili kufanya kazi za umeme mpaka msongo wa kati (33,000V) isipokuwa kazi zilizoruhusiwa chini ya daraja “S1, S2 na S3”.

      Leseni Daraja C: inatolewa ili kufanya kazi za umeme mpaka msongo wa chini (400V) isipokuwa kazi zilizoruhusiwa chini ya daraja “S1, S2 na S3”.

      Leseni Daraja D: inatolewa ili kufanya kazi za umeme katika msongo wa njia moja (230V) isipokuwa kazi zilizoruhusiwa chini ya daraja “S1, S2 na S3”.
      Leseni Daraja W: inatolewa ili kuweza kufanya kazi za ufungaji mifumo ya umeme chini ya usimamizi wa mwenye leseni Daraja A, B, C au D.
      Leseni Daraja “S1”: inatolewa ili kufanya kazi maalum za ufungaji mifumo ya umeme katika msongo wa umeme wa aina zote.
      Leseni Daraja “S2”: inatolewa ili kufanya kazi maalum za ufungaji mifumo ya umeme mpaka msongo wa volti 33,000; na
      Leseni Daraja “S3”: inatolewa ili kufanya kazi maalum za ufungaji mifumo ya umeme mpaka msongo wa volti 1,000.
      Karibu

        1. Ndugu Pastory,
          Kwa daraja C, elimu ni (i) shahada (digrii) ya uhandisi wa umeme au mwenye NTA Daraja ya 8
          (ii) NTA Daraja ya 7 au stashahada ya usakinishaji mifumo ya umeme (iii) NTA Daraja ya 6 au stashahada ya masuala ya umeme au oFTC ya uhandisi wa umeme au elimu inayolingana na hiyo ; (iv) NTA Daraja ya 4,NTA Daraja ya 5, au Trade Test Daraja ya I /Ngazi ya III na uzoefu wa miaka miwili katika usanikishaji mifumo ya umeme; au (v) Trade Test Darja ya II /Ngazi ya II au elimu sawia na uzoefu wa miaka mitatu ya usanikishaji mifumo ya umeme.

          Karibu

          1. 1.Nilikuwa nahitaji Zile Gharama za awali baada ya kusubmit Form baada ya kujaza ambazo huwa mteja anatumie namba ya malipo.
            Class C na Class D n shiling Ngap..
            2.Mfano mm nimemaliza chuo 2017 baad yakumaliza Nilipata Level 1 ya Certificat (VC1)
            Nikaingia kazin nikawa nafanya kazi ila sasa mwaka Jana Nmerudia na nmepata VC 2 yaan Level 2 Certificate. Tukija kwenye Sifa za Class C Mojawapo naona Mtu hawe na Level 2 but Awe amefanya kazi miaka Isiopungua Mitatu sasa Cheti cha level 2kinasoma 2021
            Hapa Je Haiwezi kuonekana Kama ubabaishaji.
            Naomba muongozo kwenye Ilo..

          2. Ndugu Shawwal,
            Madaraja ya leseni yanatolewa kwa mujibu wa kanuni zilizopo,hivyo jambo la msingi ni kuandika wasifu wako vizuri ili kubainisha uzoefu ulionao.

            Baada ya kuwasilisha maombi mwombaji atapewa namba ya malipo (Control Number) ambayo atalipia ada isiorejeshwa (non -refundable fees) kama inavyooneshwa hapa chini.
            Aina/daraja la leseni Ada isiyorejeshwa (Shilingi) Ada ya nakala(kopi) ya leseni (Shilingi)
            A, B, S1, S2 130,000 20,000
            C, D, W, S3 50,000 20,000
            Muhimu: Ada isiyorejeshwa inalipwa mara moja kila baada ya miaka mitano, kwa kuwa muda wa kuhuisha leseni ni baada ya miaka mitano.
            Mwombaji anaweza kufuatilia mwenendo wa maombi yake katika mfumo wa LOIS, kwa kutumia jina na nywila yake
            Mamlaka itachakata maombi hayo na mwombaji atajulishwa kwa njia ya barua pepe au ujumbe kwenye simu yake ya mkononi namna ya kuchukua leseni yake
            Karibu

    1. Ndugu Peter Mbando,
      Endapo uliomba leseni mwezi Machi, unapaswa uwe umeshapata leseni yako. Endapo sivyo tunakushauri kutembelea ofisi yetu iliyo karibu nawe katika mikoa ya Dar es Salaam, Dodoma, Arusha, Mwanza na Mbeya au piga simu BURE 0800110030 siku na muda wa kazi kwa ufuatiliaji zaidi.
      Karibu

    1. Habari Majaliwa,
      Zipo fursa ambazo hutangazwa na Ofisi ya Waziri Mkuu kwa ajili ya kurasimisha ujuzi. Tunakusahuri kufuatilia matangazo hayo au kutembelea Ofisi ya Waziri Mkuu(sekta ya vijana) kupata taarifa zaidi.
      Karibu

    1. Ndugu Majaliwa,
      Unapaswa kwenda chuo cha ufundi kurasimisha ujuzi wako. Wasiliana na VETA ili upate ushauri sahihi.
      Karibu

  4. Mimi nmetuma maombi toka 01/07/2021 kwa maana ndo siku nililipia ile fomu ya maombi ya leseni pengne bado muda kuipata?? Na pia nipo ifakara Sehemu ambapo naweza kuipata kirahisi ni wapi au mnatuma maeneo tulipo??

    1. Ndugu Gadiel,
      Utataarifiwa leseni itakapokuwa tayari kupitia barua pepe yako uliyotumia kuomba leseni ili uweze kulipia leseni kulingana na daraja utakalopata. Na lesni yako itakapokamilika utapigiwa simu ili ukaichukue. Kama uliomba ukiwa Ifakara, utapaswa kuchukua leseni yako Dar es Salaam.
      Karibu

      1. Naomba Kama mtaona inafaa nikichukulie dodoma lkn maana nitakuwa na safari kwenda dodoma kwahiyo naona dodoma inaweza kuwa rahisi kwangu naomba kuwasilisha

  5. Nimependezwa sana kwa maelezo yenu mazuri ila naomba kujua je mtu aweza kujifunza ufundi wa umeme Short course na akaruhusiwa kufanya wiring majumbani?? Kama hapana je atatakiwa awe na level gani? Ahsante

    1. Ndugu Bashiru,
      Endapo wewe ni fundi,na umesoma kozi fupi chuo cha ufundi kinachotambulika na kupatiwa cheti, unaweza kuomba leseni daraja la chini yaani W.
      Karibu

      1. Naomba kufahamishwa je mimi niliesoma chuo cha ufundi cha serikali miaka miwili kwa kuchukua somo moja tu la electrical installation na kupewa cheti cha chuo nilipoitimu masomo yangu je nastaili daraja gani la leseni? Naomba kuwasilisha

        1. Ndugu Johanes,
          Utakapofanya maombi ya leseni uchambuzi utafanyika kulingana na elimu na uzoefu wa kazi, kisha utapewa leseni kwa daraja linalostahili.
          Vigezo vya daraja la leseni vimeanishwa hapa chini kwa rejea yako.

          KANUNI ZA UMEME (HUDUMA ZA UFUNGAJI MIFUMO YA UMEME), 2022

          (Imetolewa chini ya kifungu cha 8(3), 33(2) (b) na 45 cha Sheria ya Umeme, Sura ya 131)

          Kwa mujibu wa Kifungu cha 8(1) (h) cha Sheria ya Umeme, Sura ya 131, Mamlaka ya Udhibiti wa Huduma za Nishati na Maji (EWURA) imeandaa Kanuni mpya za Umeme (Huduma za Ufungaji Mifumo ya Umeme) za mwaka 2022. Kanuni hizi zilitangazwa kwenye gazeti la Serikali tarehe 4 Machi 2022 kupitia Tangazo la Namba 113 na zinapatikana kwenye tovuti ya EWURA; http://www.ewura.go.tz.Kanuni hizi mpya, zinabatilisha zile za awali “Kanuni za Umeme (Huduma za Ufungaji Mifumo ya Umeme) za 2019”.
          Kanuni hizi ni nyenzo ya udhibiti na usimamizi wa leseni za utoaji wa huduma za ufungaji mifumo ya umeme Tanzania Bara na zinatoa mwongozo kwa mtu yeyote anayehitaji kuomba leseni ya uwekaji umeme kutoka EWURA kwa ajili ya kufanya kazi zozote za ufungaji wa mifumo ya umeme.

          Kanuni zinatoa, pamoja na mambo mengine, utaratibu wa utoaji wa leseni ya ufungaji za umeme kwa waombaji waliokidhi vigezo. Aidha, Kanuni zimeongeza muda wa kuhuishwa leseni hizo kila baada ya miaka mitano badala ya miaka mitatu.

          KWA HIYO, TAARIFA INATOLEWA KWA UMMA KWAMBA:

          (a) madaraja ya leseni yamebaki kuwa yale yale ambayo ni A, B, C, D, W, S1, S2, na S3;
          (b) mwombaji aliyekidhi vigezo atapewa leseni ya ufungaji umeme pekee bila cheti tofauti na ilivyokuwa katika Kanuni za awali;
          (c) leseni zitakazotolewa kwa mfumo wa Kanuni hizi mpya zitaisha muda wake baada ya miaka mitano;
          (d) waombaji watalipa “ada za maombi zisizorejeshwa” badala ya “ada ya maombi na ada ya leseni” kama ilivyokuwa awali;
          (e) Wale wote waliotuma maombi yao ya leseni kabla ya tarehe 4 Machi 2022, watalipa ada za maombi na ada za leseni na muda wa mwisho wa leseni utakuwa ni miaka mitatu;
          (f) “Kiwango cha ada za maombi zisizorejeshwa” zitakuwa kama zilivyo orodheshwa kwenye jedwali namba moja la Kanuni mpya (ambazo zimewekwa kwenye tovuti ya EWURA) na ambapo pia taarifa itapatikana kwenye mfumo wa uombaji wa leseni wa EWURA (LOIS).

          (g) maombi yote ya leseni yataendelea kutumwa kupitia mfumo wa LOIS kwenye Tovuti ya Mamlaka http://www.ewura.go.tz ;
          (h) leseni, inapokaribia kwisha muda wake, mwenye leseni ataomba kwa Mamlaka kuhuisha leseni hiyo miezi miwili kabla ya leseni ya awali kuisha;
          (i) mwenye leseni ambaye atashindwa kuomba kuhuisha leseni miezi sita baadaya ya muda wake kumalizika, atalazimika kuomba leseni mpya.

          Pamoja na hayo, marekebisho madogo madogo yamefanyika kwenye taratibu za maombi ya madaraja ya leseni, uwanda wa shuguli zinazofanyika kwa mujibu wa daraja za leseni, elimu ya ufundi ya umeme na uzoefu unaohitajika kama inavyoonyeshwa kwenye jedwali hapa chini;-

          Aina ya Leseni Kazi Zinazohusika Elimu ya Ufundi wa Umeme na Uzoefu Husika Unahitajika
          Daraja A Imetolewa kutekeleza kazi za usakinishaji wa mifumo ya umeme katika viwango vya vyote vya volti isipokuwa kazi zinazoruhusiwa chini ya daraja S1, S2 na S3. (i) Cheti cha Usajili kama Mtaalamu
          Mhandisi wa Umeme wa taaluma husika;
          (ii) Shahada ya uhandisi wa umeme au
          uhandisi wa umeme-mitambo au
          Tuzo ya Kitaifa ya Kiufundi ngazi ya 8 au zaidi na miaka mitatu ya uzoefu katika katika masuala ya kazi za kufunga mifumo ya umeme,mwaka mmoja kati ya hiyo iwe ya ufungaji wa mifumo ya umeme kwenye msongo wa juu;
          (iii) Tuzo ya Kitaifa ya Ufundi Ngazi ya 7 au Stashahada ya juu ya umeme au umeme-mitambo na
          miaka mine ya uzoefu katika kazi za ufungaji wa mifumo ya umeme, miwili kati ya hiyo,iwe ya ufungaji wa umeme katika msongo wa juu;
          (iv) Tuzo ya Kitaifa ya Ufundi Ngazi ya 6 au cheti cha ufundi sanifu katika masuala ya uhandisi wa umeme/umeme-mitambo na miaka mitano ya uzoefu wa masuala ya kazi za kufunga mifumo ya umeme, mitatu kati ya hiyo iwe ya ufungaji wa mifumo ya umeme wa msongo wa juu.
          Daraja B Inatolewa kwa kazi za usakinishaji wa mifumo ya umeme wa kiwango cha volti ya kati hadi volti 33,000 isipokuwa kazi zinazoruhusiwa chini ya darasa S1, S2 na S3. (i) Shahada ya Uhandisi wa umeme au
          uhandisi wa Umeme-Mitambo au
          Tuzo ya Kitaifa ya Kiufundi ngazi ya 8, na miaka miwili ya uzoefu katika masuala ya kazi za kufungaji mifumo ya umeme, mwaka mmoja kati ya hiyo uwe wa ufungaji wa umeme katika msongo wa kati;
          (ii) Tuzo ya Kitaifa ya Kiufundi ngazi ya 7 au Stashahada ya juu ya Uhandisi wa umeme/Umeme-Mitambo na miaka mitatu ya uzoefu husika katika masuala ya kazi za kufunga mifumo ya umeme, mwaka mmoja na nusu kati ya hiyo iwe ya ufungaji umeme wa msongo wa kati; na
          (iii) Tuzo ya Kitaifa ya Kiufundi Ngazi ya 6 au
          Cheti cha ufundi sanifu katika masuala ya uhandisi wa umeme/umeme-mitambo na miaka minne ya uzoefu katika masuala ya kazi za ufungaji wa mifumo ya umeme, miwili kati ya hiyo iwe ya ufungaji wa umeme wa msongo wa kati.
          Daraja C Hutolewa kufanya kazi za ufungaji wa mifumo ya umeme zisizozidi Volti 400 isipokuwa kazi zinazoruhusiwa chini ya darasa la S1, S2 na S3. (i) Shahada ya Uhandisi wa umeme/umeme-mitambo au Tuzo ya KItaifa ya Kiufundi ngazi ya 8 au inayolingana na Shahada ya Uhandisi wa umeme;
          (ii) Tuzo ya Kitaifa ya Kiufundi Ngazi ya 7 au Stashahada ya juu ya uhandisi wa umeme/umeme-mitambo au inayolingana na hiyo;
          (iii) Tuzo ya Kitaifa ya Kiufundi Ngazi ya 6 au Stashahada ya kawaida ya Uhandisi wa Umeme/umeme-mitambo au Cheti cha Ufundi sanifu katika masuala ya uhandisi umeme au cheti kinacholingana na hicho
          (iv) Tuzo ya Kitaifa ya Kiufundi umeme ngazi ya 4, Tuzo ya Kitaifa ya Kiufundi ngazi ya 5, au cheti cha kufuzu Mtihani wa ujuzi wa umeme daraja la I / Ngazi ya III au kinacholingana na hicho na miaka miwili ya uzoefu katika masuala ya kazi za kufunga mifumo ya umeme; na
          (v) Cheti cha kufuzu cha Mtihani wa ujuzi wa umeme Daraja la II/Kiwango cha II au kinacholingana na hicho na miaka mitatu ya uzoefu katika masuala ya kazi za kufunga mifumo ya umeme.
          Daraja D Imetolewa kutekeleza kazi za ufungaji wa umeme zisizozidi Volti 230 isipokuwa kazi zinazoruhusiwa chini ya darasa la S1, S2 na S3. (i) Cheti cha kufuzu ufungaji wa mfumo wa umeme daraja la I, II, III, au Tuzo ya Kitaifa ya Kiufundi ngazi ya 4, ngazi ya 5 au cheti kinacholingana; au

          ii) mafunzo ya awali,kozi fupi, kozi za kati, cheti cha juu au cheti kinacholingana na hicho na uzoefu wa miaka mitatu katika kazi za ufungaji wa mifumo ya umeme.

          Daraja W Inatolewa ili kuweza kufanya kazi za ufungaji mifumo ya umeme chini ya usimamizi wa mwenye leseni Daraja A, B, S1,S2, S3, C au D. Mwombaji wa leseni anapaswa kuwa na mafunzo ya awali/kozi fupi/kozi za kati, au cheti cha juu cha uwekaji wa mifumo ya umeme au sifa nyinginezo kutoka Taasisi nyingine za Kiufundi zinazotambulika.
          Daraja S1 Hutolewa kufanya kazi maalum za ufungaji wa umeme wa volti zote. (i) Cheti cha Usajili kama Mtaalamu
          Mhandisi wa Umeme/umeme-mitambo na miaka mitatu ya uzoefu wa kazi maalumu wa kufunga mifumo ya umeme, mwaka mmoja kati ya hiyo iwe ni kufunga mifumo ya umeme katika msongo wa juu.
          (ii) Shahada ya uhandisi wa umeme au uhandisi wa umeme-mitambo au
          Tuzo ya Kitaifa ya Kiufundi ngazi ya 8 au zaidi na miaka minne ya uzoefu katika katika masuala ya kazi maalumu za kufunga mifumo ya umeme, miaka miwili kati ya hiyo iwe ya ufungaji wa mifumo ya umeme kwenye msongo wa juu;
          (iii) Tuzo ya Kitaifa ya Ufundi Ngazi ya 7 au Stashahada ya juu ya uhandisi umeme/ umeme-mitambo na
          miaka mitano ya uzoefu katika kazi maalumu za ufungaji wa mifumo ya umeme, mitatu kati ya hiyo,iwe ya ufungaji wa umeme katika msongo wa juu;
          (iv) Tuzo ya Kitaifa ya Ufundi Ngazi ya 6 au cheti cha ufundi sanifu katika masuala ya uhandisi wa umeme/umeme-mitambo na miaka sita ya uzoefu wa masuala ya kazi maalumu za kufunga mifumo ya umeme, minne kati ya hiyo iwe ya ufungaji wa mifumo ya umeme wa msongo wa juu.
          Daraja S2 Hutolewa kufanya kazi maalum za ufungaji wa umeme hadi volti 33000. (i) Cheti cha Usajili kama Mtaalamu
          Mhandisi wa Umeme/umeme-mitambo na miaka mitatu ya uzoefu wa kazi maalumu wa kufunga mifumo ya umeme, mwaka mmoja kati ya hiyo iwe ni kufunga mifumo ya umeme katika msongo wa kati; au
          (ii) Shahada ya uhandisi wa umeme au
          uhandisi wa umeme-mitambo au
          Tuzo ya Kitaifa ya Kiufundi ngazi ya 8 na miaka mitatu ya uzoefu katika katika masuala ya kazi maalumu za kufunga mifumo ya umeme, miaka miwili kati ya hiyo iwe ya ufungaji wa mifumo ya umeme kwenye msongo wa kati; au
          (iii) Tuzo ya Kitaifa ya Ufundi Ngazi ya 7 au zaidi, au Stashahada ya juu ya uhandisi umeme/ umeme-mitambo na
          miaka minne ya uzoefu katika kazi maalumu za ufungaji wa mifumo ya umeme, mwaka mmoja na nusu kati ya hiyo,iwe ya ufungaji wa umeme katika msongo wa kati;
          Daraja S3 Hutolewa kufanya kazi maalumu za ufungaji wa umeme hadi volti1000. (i) Shahada ya Uhandisi wa Umeme/umeme-mitambo au Tuzo ya Kitaifa ya Kiufundi ngazi ya 8 au Zaidi au inayoingana na shahada ya uhandisi umeme/umeme-mitambo na mwaka mmoja wa uzoefu wa kazi maalumu wa kufunga mifumo ya umeme katika msongo wa chini;
          (ii) Tuzo ya Kitaifa ya Kiufundi ngazi ya 7 au stashahada ya juu ya uhandisi wa umeme/umeme-mitambo au inayolingana na hiyo, na miaka miwili ya uzoefu katika katika masuala ya kazi maalumu za kufunga mifumo ya umeme katika msongo wa chini; au
          (iii) Tuzo ya Kitaifa ya Ufundi Ngazi ya 6 au Stashahada ya kawaida ya uhandisi umeme/ umeme-mitambo na miaka mitatu ya uzoefu katika kazi maalumu za ufungaji wa mifumo ya umeme katika msongo wa chini.

    1. Ndugu Boniphace,
      Unashauriwa kujiunga na program za uendelezaji taaluma ambazo hutolewa na Ofisi ya Waziri Mkuu, sekta ya vijana. Tafadhali fuatilia matangazo mbalimbali amabyao hutolewa kwenye vyombo vya habari ili uweze kujiunga kurasimisha ujuzi wako. Aidha, VETA pia huwa na program ya kurasimisha ujuzi, unaweza kuwasiliana nao. Moja ya program hizi, itakuwezesha kupata cheti ambacho utatumia kuombea leseni.
      Karibu

    2. Ndugu Boniphase,
      Unapaswa kuramisha ujuzi wako kupitia vyuo vinavyotambuliwa na Serikali ama kupitia utaratibu wa uendelezaji ujuzi unaoratibiwa na Ofisi ya Waziri Mkuu, ambao hutangazwa mara kwa mara ili kupata cheti ya elimu ya ufundi, kisha kuomba leseni.
      Karibu

    1. Ndugu Emmanuel,
      Ndio unaweza kuomba leseni.
      Maombi ya leseni hufanyika kwa njia ya mtandao kupitia kiunganishi https://lois.ewura.go.tz/ewura/ katika tovuti ya Mamlaka.
      Unapaswa kuwa na
      1. Picha (passport size ) yenye kivuli cha bluu
      2. Vyeti vya elimu ya Ufundi
      3.Wasifu (CV) inayoonesha shughuli za ufungaji umeme ulizofanya.

      Kisha utatumia nakala laini kufanya maombi, kwa kufungua mfumo wa LOIS, kujisajili na kufanya maombi ya leseni.

      Karibu

    1. Ndugu Emmanuel,
      Anaruhusiwa kuomba lseni

      Maombi ya leseni hufanyika kwa njia ya mtandao kupitia kiunganishi https://lois.ewura.go.tz/ewura/ katika tovuti ya Mamlaka.
      Unapaswa kuwa na
      1. Picha (passport size ) yenye kivuli cha bluu
      2. Vyeti vya elimu ya Ufundi
      3.Wasifu (CV) inayoonesha shughuli za ufungaji umeme ulizofanya.

      Kisha utatumia nakala laini kufanya maombi, kwa kufungua mfumo wa LOIS, kujisajili na kufanya maombi ya leseni.

      Karibu

        1. Ndugu Pastory,
          Unaweza kupata leseni, inapaswa kuwa na cheti cha elimu ya ufundi, picha ndogo (pasipoti) yenye kivuli cha bluu, kitambulisho (leseni ya udereva, kitambulisho cha kupigia kura au cha uraia)na wasifu (CV).

          Karibu.

    1. Ndugu Mahamudu,
      Gharama ya maombi ya leseni ni shilingi 10,000/
      Na ada ya leseni daraja D ni shilingi 60,000/
      Jumla shilingi 70,000/
      Asante

  6. Ningependa kufahamu kanuni zinazomuongoza mtu kupata muhuri je akiwa na level 2 anaruhusiwa kumiliki mhuri wa 250V au ni kanuni zipi anapaswa kuzifuata,.

    1. Ndugu Stephen,

      Gharama za maombi ya leseni ni shilingi 10,000/ kwa leseni zote za umeme.
      Hata hivyo, ada ya leseni inatofautiana kulingana aina ya daraja la leseni.

      Asante

  7. Naitwa Thomas simon kutoka kahama, niliomba lesseni tayari nimeshaipata, sasa naomba kuuliza utaratibu wa kupata mhuri ili nijitegemee Mimi mwenyewe nipitishe kazi zangu mim mwenyewe. Msaada tafadhari

    1. Ndugu Thomas, ukishakuwa na lsesni huna haja ya kuwa na mhuri. Andika namba yakO ya leseni kwenye fomu inatosha. Endapo unapata changamoto yoyote kuhusu suala hilo utujulishe mapema.
      Karibu

  8. Naitwa Bushira mussa haruna, nimepata lesseni ya ewura class D je naweza kupitisha kazi zangu mwenyewe kwa kugonga mhuri kama contractor
    Msaada tafadhari

    1. Ndugu Bushira,
      Hakuna haja ya kugonga muhuri ukiwa na leseni.
      Andika namba yako ya leseni kwenye fomu, inatosha. Endapo utapata changamoto yoyote utujulishe mapema.
      Karibu.

  9. Naitwa Bushira mussa haruna nimepata lessen class D je naweza kupitisha kazi zangu mwenyewe kwa kugonga mhuri kama contractor
    Msaada tafadhari

    1. Ndugu Ally,
      Endapo kila kitu kipo sawa, leseni yako inashughulikiwa na itakapokuwa tayari utapewa taarifa ili uweze kuipata.
      Tunakushauri kupitia kwenye barua pepe yako mara kwa mara ili kubaini endapo kuna ujumbe wowote kutoka kwetu.
      Karibu

  10. Mm nomejisajili kwenye mfumo na nimejaza form ya maombi ya leseni ya umeme nikatumiwa user name na pasward lakini Kila niliingiza kwa umakini na bila kukosea inanikatalia naweza kutumia njia gani ili nipate leseni!?

      1. Vilevile, unasahuriwa kutuma anuani ya barua pepep yako na nywila (password) ili tufuatilie na kujiridhisha endapo kuna changamoto yoyote.
        Karibu.

  11. Habar!! Nmeomba leseni tangu mwezi 4,2022.mpk sahz bdo sijapata ilaaa nmeangalia progress yang IPO step no 6.imeandika(ELC MEETING preparation AND recommendation… Then page inayofuata imeandika PENDING!! JE, kipi kinachofuata baada ya hapo na lini ntaipata lesen yang maana cku30 zmeshapita mpk sahz bdo! Nipo morogoro.. Application no. ELINC/2022/0194… SIMU NO. 0620629616.

Leave a Reply

Your email address will not be published. Required fields are marked *